2020年1/12霧峰教會主日禮拜, 婦女、活泉詩班: [禱]
指揮及創作曲詞者: 陳俊融長老 jonas
司琴: 李恩慈長老
[禱] 你豈曾遇著憂悶煩惱,無人倘講,孤單無倚靠;
你豈曾通暝向主祈禱,迫切出聲,求主開路。
天父啊 !怎樣你無聽我求叫, 你講既那祈禱你要俯落。
天父啊 !怎樣我等無你疼惜, 你的子兒流目屎在祈禱。
*2 我所疼的子兒啊 ! 你遇著的試鍊,是照你的能力, 你一定有夠額。
你著堅定相信,憑信心倚靠我, 有我和你同行,高山大海嘛變平坦。
我聽見救主慈愛的聲, 逐時逐刻你的手牽我,
我所有祈禱你攏在聽, 無論叨位你保守我,
天父啊 ! 我的軟弱你攏知影, 求你照顧我堅固勇健;
天父啊 !懇求你教示引導我, 做我服前的燈照光我。
懇求你,照光我, 願你的疼充滿我性命。
